Gen Brice Oligui Nguema has been handed a seven-year mandate by an electorate
Gabon military leader Gen Brice Oligui Nguema wey bin lead di 2023 coup wey end almost 60 years dynasty don win Saturday presidential election wit more dan 90% of di votes, provisional results show.
Ahead of di vote, critics bin argue say di new constitution and electoral code bin dey designed to give Oligui Nguema a comfortable pathway to di top job.
Some opposition heavyweights wey bin pose a serious political challenge bin dey excluded from di race.
Im election victory consolidate im grip on power, nearly two years afta e mastermind di overthrow of President Ali Bongo, wey im family bin don dey power for Gabon since 1967.
Fifty-year-old Oligui Nguema bin face seven oda candidates, including former Prime Minister Alain Claude Bilie-by-Nze, wey bin serve under di Bongo regime, and two stalwarts of di former ruling PDG party, Stéphane Germain Iloko and Alain Simplice Boungouères.
“Brice Clotaire Oligui Nguema bin dey elected [president] by absolute majority of votes cast, wit 575,222 votes,” Interior Minister Hermann Immongault announce.
Im main challenger, Bilie-by-Nze, receive just ova 3% of di votes.
More dan seven out of 10 registered voters bin take part for di poll, wey di authorities and some observers bin hail say e dey transparent and peaceful.
But complaints of instances of irregularities in di process dey.
For some polling stations, di vote bin dey delayed, while some voters on di electoral roll bin no dey able to find wia dem suppose cast dia ballot.
Bilie-by-Nze say im bin dey particularly concerned by claims say in some places, unmarked ballot papers bin no dey kept for secure location, and say e fear say dem fit use dem to stuff ballot boxes.
Oligui Nguema victory bring am a seven-year mandate and di resources to tackle di corruption and bad governance wey characterised di Bongos time for power.
Di highly articulate former commander of di elite Republican Guard prove to dey veri popular among population wey dey relieved say dynastic rule bin end. E bin promise to comot di ill wey don spoil Gabon image.
Di small oil-and timber-rich central African nation na home to just 2.5 million pipo.
Despite dia resources, about 35% of di population still dey live below di poverty line of $2 (£1.50) a day.